நடப்பு ஆண்டில், இதுவரையிலான காலத்தில், அதாவது சுமார் மூன்று மாதங்களில், அமெரிக்காவில் 30 வங்கிகள் திவால் ஆகியுள்ளன. ஆக, திவால் ஆகும் வங்கிகளின் எண்ணிக்கை மாதத்திற்கு சராசரியாக 10 என்ற அளவில் உள்ளது. நடப்பு மார்ச் மாதத்தில் மட்டும் இதுவரை அங்கு எட்டு வங்கிகள் திவாலாகி உள்ளன.
கடந்த 2008-ஆம் ஆண்டு செப்டம்பர் மாதத்தில், லெஹ்மன் பிரதர்ஸ் திவால் ஆனதை யடுத்து, அமெரிக்காவில் வங்கிகள் திவால் ஆவது தொடர்கதையாகி வருகிறது. அம்மாதத் திலிருந்து இதுவரையிலுமாக, அந்நாட்டில் மொத்தம் 184 வங்கிகள் திவாலாகி உள்ளன.
சரிவைச் சந்தித்து வந்த அமெரிக்க பொருளாதாரத்தில், சென்ற சில காலாண்டுகளாக வளர்ச்சி ஏற்பட்டு வருகிறது. ஆனால், வேலை இழப்பு இன்னும் குறையவில்லை. இதனால், வங்கிகளில் கடன் வாங்கியவர்களால் அதனை சரிவர திரும்ப செலுத்த முடியவில்லை.
.jpg)
